نطقـت اسمـك وذوّبنـي .. وحبّيتـك أنـا بسـكـات
أحسّ اسمـك ينادينـي .. وقلبـك فاتـحٍ بابـه
أحـسّ انّـا تلاقينـا .. عقـب مـا طالـت الغيـبـات
أحسّ انّي معك دلّيـت دربٍ ضعـت بترابـه
يميـن الله إذا شفتـك .. أفـارق مـاضـي الآهــات
أعانق حاضـرٍ ساحـر .. قريـت السحـر بكتابـه
أنا ادري فيك جذابة ويذبحني صـدى الضحكـات
وانا ادري فيك ما تدرين انّك حيل جذّابـه
انا ادري فيك دلّوعـة .. تـذوب بشفّتـك كلمـات
دلع مخلوق لك انتي .. وبنات النـاس تتشابـه
انا ادري فيك حسّاسة .. تحـرق خـدّك النسمـات
ولو يجرح يديك الورد أنا اشهد ما نتـي كذّابـة
قمرنا ما وصل زينك .. ولو حاول تـرى هيهـات
ولو جرّب يجي جنبك تقول الناس : وش جابه
ألا يا مالـكٍ روحـي .. وساكـن بالحشـا والـذات
تدلل .. لو تبي روحي تجيك ان كنت طلاّبـه
تراني فدوة عيونـك .. وحلمـي أمنـع الدمعـات
أجـل وش فايـدة حبّـي اذا الدمعـات صبّـابـه
أنا ماني مثل غيري مع اللـي يحبنـي .. بالـذات
أصير اقـرب لهـا منهـا .. وأردّ الدّيـن لأصحابـه
أدلّلـهـا وأدلّعـهـا .. وأعلّيـهـا عـلـى النـجـمـات
وأخلّي القلب لـو أخطـت يبـوح بقاسـي عتابـه
أنا مانـي مثـل غيـري .. وغيـري يعشـق العثـرات
منى روحه وكل همّـه .. يناظـر غلطـة أحبابـه
أنا ماني مثل غيري .. وغيـري يكثّـر الخطـوات
وكــل بـنـت ٍ تهيّـالـه بــلا تفكـيـر .. حيّـابـه
أنا ماني مثـل غيـري .. وغيـري وافـر الكذبـات
وبنت الناس مسكينـة .. تقـول : النـاس كذابـه
أنا ماني مثل غيري .. وغيـري لـو بكـى شحّـات
يحاول يكسر الخاطر .. يقـول : الـروح منصابـه
أنـا مانـي مثـل غيـري .. وغيـري مسألـة أوقــات
ياخـذ مايـبـي ثــمٍّ يـقـول : شفـيـك نصّـابـه
أنا ماني مثل غيـري .. وغيـري بالهـوى مـا مـات
يشوف انّ الهـوى لعبـة .. ويمكـن أحسـن ألعابـه
أنا ماني مثل غيـري يقـول : انّ البنـات خبـلات
يقول : البنـت مهمـا تكـون تراهـا بنـت لعّابـه
أنـا مانـي مثـل غيـري هويتـك يالغـلا بسـكـات
ومحـدٍ يـدري بحبـي .. ومحـدٍ يعـرف اسبابـه
أنا عارف طمـوح البنـت تبـي منهـو يلـمّ شتـات
تبـي منـهـو يخلّيـهـا .. تـكـون لعيـنـه اهـدابـه
وإنتي لو دريتـي بـي وفهمتـي صـادق الكلمـات
يميـن الله تحبّيـنـي .. وانـتـي مانـتـي مرتـابـه
الأربعاء أغسطس 03, 2011 3:03 am من طرف زائر
